Selon Miami Herald ki site yon gwo chabrak nan peyi Etazini, pou deplwaman fòs miltinasyonal la nan peyi d Ayiti y ap bezwen sòti 515 jiska 600 milyon dola ameriken pandan 2 zan. Selon otorite sa a, nan jou sa yo, dosye Ayiti ki an kriz la pral sou tab diskisyon yo nan vil Rio de Janeiro nan peyi Brezil, kote 20 peyi ki pi rich nan mond lan pral reyini.
Selon sa jounal la di, anplis sòlda ki kapab anviwon 2500 ak ekipman y ap bezwen, fòk gen lòt pèsonèl anplis ki debake Ayiti. Jis kounye a, poko gen yon dat ki deklare ofisyèlman pou sa.
