Daprè yon nòt ki pibliye sou paj ofisyèl Polis nasyonal la, kòmandan an chèf PNH la, Léon Charles, enfòme popilasyon an gen yon operasyon k ap mennen nan zòn “Non-droit” yo nan objektif pou fè lapè tounen nan katye sa yo.
Nan sans sa, fòs lòd yo, sou lòd direktè jeneral la, rantre nan vilaj la ak plizyè lòt katye ki nan anviwon an, depi samdi 12 desanm nan, pou kapab trake epi deloje bandi yo ki se yon pwoblèm pou moun k ap frekante rantre Sid kapital la.
Plizyè inite espesyalize nan PNH la, tankou CIMO, UDMO, BOID, Garde-Côtes, USGPN, SWAT, SDPJ ak BRI se diferan inite nan PNH la ki envesti Vilaj la.
Operasyon an ap rapousib. Gen kèk imaj ki fè kwè plizyè kay deja kraze anndan an.
Jeff Jean Joseph
