Daprè enfòmasyon ki sòti bò kote fanmi Michael Benjamin ki te pèdi lavi l nan kondisyon tout moun konnen an nan vil Pari, fineray la p ap chante Ayiti. Se medya Vwadlamerik ki konfime enfòmasyon an alòske yo t ap site sa fanmi an di yo. Pandan tan sa a, gen anpil òganizasyon nan entènasyonal la k ap prepare bèl seremoni omaj pou Mika nan peyi Kanada ak Etazini vandredi 21 oktòb 2022 a.
Dezisyon sa a pran pandan fanmi an ap prepare pou tann transfè kadav la aprè desizyon lajistis nan peyi Lafrans. Mikaben, daprè anpil moun se te yon modèl nan sektè mizikal la nan peyi a ak nan lemond antye.
