Jan sa te anonse depi kèk jou, baz gang vilaj de Dye a te gen yon pwogram yo t ap òganize sou 2 jou, 7 ak 8 mas. Plizyè Atis ki fè non yo te envite pou vin pèfòme. Ayè lendi 8 mas la nan aswè, SWAT debake nan Ri Nikola pou te anpeche atis yo desann nan vilaj la. Anpil atis blese nan kouri pou lapolis pat arete yo.
Malgre entèvansyon lapolis, sa pat chanje pozisyon atis yo. Ansyen rapè Barikad Crew a, Daniel Darius ki pote non Fantom kòm atis ak plizyè lòt Atis te deside desann pou yo al pèfòme. Daprè sa Fantom rapòte, lapolis chire yon mayo Gucci pou li ki vann plis pase $500 ameriken epi koz machin li fè aksidan, kote machin nan tonbe nan yon ravin. Atis la bay lapolis 24è pou remèt li sal pèdi yo.
Daprè Ti Youri ki te la tou, gen yon atis ki pran bal nan men epi yon DJ ki pran bal nan tèt nan ensidan sa ki rive ayè lendi 8 mars la.
Jeff Jean Joseph
