Yon total 119 287 kandida pral sibi egzamen ofisyèl pou klas filo, soti 19 pou rive 23 oktòb 2020, sou tout tèritwa nasyonal la, daprè yon nòt ki soti nan Ministè edikasyon nasyonal ak fòmasyon pwofesyonèl (MENFP).
Egzamen sa yo, daprè nòt la, konsène bakaloreya tradisyonèl ak segondè renove.
Nan total sa a, 44 276 ladan yo se nouvo kandida ki nan filo tradisyonèl. 61 254 se nouvo kandida ki nan segondè 4 (NSIV). 13 757 (2 107 ki nan NSIV ak 11 650 ki nan filo tradisyonèl) se kandida rekale, toujou daprè presizyon nòt la.
Minis edikasyon an Pierre Josué Agenor Cadet ki bat bravo paske egzamen 9e AF yo te byen reyisi mande tout sektè ki nan peyi a pou yo pote kole nan lide pou egzamen bak yo (filo tradisyonèl ak segondè renove) byen dewoule.
Wilner Jean
