Jounen madi 6 desanm 2022 a, si w al nan mache fomèl la, w ap achte 1 dola ameriken pou 140,35 goud e si w nan mache enfòmèl kidonk nan men kanbis yo nan lari a pa egzanp w ap peye grenn dola ameriken an 150 goud. Lavi chè a ap grenpe pye bwa tandiske gouvènman de facto ki gen doktè Ariel Henry nan tèt li a pa pran okenn desizyon pou chanje sa. Mwa desanm rive, pa gen okenn pwogram sosyal ki la pou akonpanye kouch defavorize a.
Dola ameriken an ap vale tèren depi plizyè semèn. Nou dwe raple, nan mwa septanm pase a pou bout mwa oktòb, se anviwon 150 milyon vèt Bank Santral te enjekte sou mache a, sa ki pat siyifi anyen.
