Mondestin Augustin se non prensipal chèf gang k ap dirije baz 400 egare nan komin Mayisad. Lapolis arete l dimanch 1e janvye 2023 a nan komin Sen Rafayèl. Dezyèm chèf baz sa a se Guersly aprèsa gen Widnal, Kervenson, DJ Cherwing ak Bebeto kòm toutè. Mesye gen ti fanm yo tou daprè Lapolis ki site Louna fanm Geursly, gen Chineca ak Elianise ki se 2 sè. Medam sa yo jwe wòl antèn pou gang 400 egare a.
Mesye dam sa yo simen latèrè nan depatman Sant jan yo kapab. Yo gen antèn plizyè kote konsa chak fwa Lapolis debake yo gentan enfòme yo pou yo ka sove. Gen enfòmasyon ki fè kwè gen otorite nan zòn sa yo ki nan konnivans avèk mesye 400 egare yo tou.
