Alòske y ap evite pran wout Maryani pou yo ale Gresye, anviwon 5 moun pèdi lavi yo aprè bandi san fwa ni lwa tire sou yo pandan yo nan yo kannòt. Gen plizyè lòt jenn fi malfra yo kidnape epi fè wout kwochi avèk yo. Paran moun sa yo vrèman enkonsolab. Pami viktim yo gen Carlo, Tibab, Marin, Voltaire elatriye. Dram sa a pase jounen samdi 6 janvye 2024 la.
Yon lane 2024 ki kòmanse ak menm wobinèt san 2023 a. Jis kounye a, wout Sid kapital la tounen yon lanfè anba menm gang sa yo ki jwenn pwoteksyon gouvènman an plas la.
