Kidnapin nan pa sispann fè pale de li nan peyi a. Move zak sa yo tèlman fèt youn apre lòt, yo rantre nan kotidyen chak grenn Ayisyen. Jodi jedi 24 desanm nan, bandi kidnape Wisline Montas, nan moman li t ap sòti nan restoran li, daprè jounal “Trip Foumi”.
Ravisè yo pat pran tan pou te rantre an kontak ak fanmi an. Yo mande 1 500 000 dola ameriken pou libere madam Montas, daprè pitit fil Wideline Innoncent.
Wideline Innocent ki vrèman choke lèl aprann nouvèl la, pat pran tan pou te pibliye yon ti videyo sou paj “Facebook” li pou di bandi yo manman l pa viv sante, li pap ka sipòte chòk sa, yo mèt pran l nan plas manman an pito.
Jeff Jean Joseph
