Bandi kidnape epi sekestre yon jèn gason ki gen 24 lane, Stanley Grégoire D’Haïti, ak yon lòt ki gen plis laj pasel, Thomas Gestimé, nan lannwit jedi 10 desanm 2020 an nan komin Leyogàn. Ravisè yo pat pran tan pou kontakte fanmi mesye yo, epi ekzije 1 milyon dola ameriken pou libere yo.
Nan moman zak kidnapin sa t ap fèt la, ravisè yo te gen sou yo inifòm lapolis administratif, epi yo te ame jouk nan dan. Mesye yo te gen yon machin zoreken ak yo, daprè temwen ki te asiste sèn nan.
Stanley Grégoire D’Haïti se pitit yon machann kafe nan stasyon bis Leyogàn nan. Stanley Grégoire fèk gen yon ti moun, se kòb l ap chèche pou fè batèm ti moun sa, daprè yon frè li, Vladimir Occiné. Thomas Gestiné bò kote pal ap konte jou poul gen yon ti moun. “Mwen gen manman, mwen pa gen papa“, se deklarasyon, Angelica Dominique ki se madanm Thomas.
N ap raple pa gen yon jou ki pase nan peyi a, pou plizyè ka kidnapinn pa rive fèt. Otorite yo fayi a misyon yo, malgré yo pa sispann pwomèt y ap travay pou sitiyasyon an amelyore.
Jeff Jean Joseph
