Chedeline Brutus se non yon jèn demwazèl ki gen sèlman 16 lanne, bandi ak zam kidnape nan Dèlma 75 jodi dimanch 22 novanm 2020 an. Ravisè yo mande 5 000 dola ameriken ak fanmi an pou libere demwazèl la.
Chedeline gen sèlman 16 lanne, li lekòl nan “Cœur de Jésus”, nan Dèlma 31.
Chedlet Guilloux ki sanble ta pwòch fanmi an mande ravisè yo tanpri souple libere ti demwazèl la, paske fanmi l’ pap ka jwenn kòb mesye yo mande a. Mesye Guilloux rapousib pou l di ravisè yo, Chedeline Brutus pa gen manman, se yon matant k’ap redi avèl. “Tanpri souple pa vyolel”, deklarasyon Guilloux, ki rekonèt mesye sa yo se viktim systèm nan yo ye.
Dèlma, yon komin dènye jou sa yo ki vin plis pase frajil, paske ekip Haïti News lan pa rive konte konbyen ka “kidnapping ” ki anrejistre nan komin sa, espesyalman Dèlma 75.
Jeff Jean Joseph
