Daprè sendika transpò nan peyi Dominikani, okenn chofè dominiken pa gen dwa pote yon ayisyen sou machin oubyen sou moto menm si l legal oubyen li ilegal apati lendi 18 septanm k ap vini la a. Yo ale pi lwen pou di ayisyen ki konn lwe machin pou deplase oubyen pou fè Uber pa gen dwa jwenn yo lwe ankò. Gen divès kote, dominiken yo gentan ekri ayisyen ki lwe kay pou mande yo kite kay la.
Daprè enfòmasyon Haïti Buzz genyen nan bon ti mamit, gen plizyè fanmi ayisyen yo ekri lakay vwazen pou kite kay kote yo ye a nan 72 zè. Èske se pa yon opòtinite pou pèp ayisyen an ta tou sezi yon fwa, pou retabli peyi a sou tout fòm pandan n ap mete tout malfra deyò ladan l? Antouka fòm vyolans sa yo sou migran ayisyen yo, nou denonse l korèkteman.
