Depi aprè nèg ak zam yo fin enstale yo Maryani 1e novanm 2023 a, se yon kalamite moun nan Gransid t ap monte. Kounye a sa pi rèd. Akoz machin ki pa ka travèse pou antre nan Gran Sid, plizye prodwi premye nesesite preske fini nan Grandans. Pa gen gaz pwopà n, prèske pa gen ti sachè dlo, rate gaz nan ponp yo menm se pa pale. Gen kèk otèl k ap fonksyone, men pri ogmante chanm yo.
Gen moun Grandans ki gen 13 jou bloke nan bis kote ye Mèje oubyen Gresye, bis yo pa kase tèt tounen parapò ak pozisyon yo ye a. Anpil bannann ap pouri ki paka vin Pòtoprens san bliye plizyè lòt danre. Sitiyasyon sa a riske lage yon gwo kalamite nan tout Gran Sid la, si Maryani pa debloke rapid.
