Nan yon kontèks kote vyolans gang yo ap kontinye fè raj ann Ayiti, gouvènman Repiblik Dominikèn nan, anba direksyon prezidan Luis Abinader, ap ranfòse mezi sekirite sou fwontyè ant de peyi yo. Nan kad mezi sa yo, otorite dominiken yo lanse konstriksyon 14,5 kilomèt nouvo miray perimèt fwontyè nan zòn Jimani. Se dezyèm faz pwojè baryè fwontyè a, ki vize ranfòse siveyans ak kontwòl sou fwontyè a. Minis Defans dominiken an, Carlos Antonio Fernández Onofre, te prezide lansman travay yo, ansanm ak kòmandan jeneral Lame Repiblik Dominikèn nan, majò jeneral Jimmy Arias Grullón, ak lòt otorite sivil ak militè.
Nouvo seksyon miray la pral gen sis tou siveyans, 35 pasaj dlo epi li pral mezire 13 pye wotè. Pwojè a prevwa tou wout patwouy ki pral gen yon lajè ansanm 7 mèt, sou toude bò estrikti a.
