Samdi 13 janvye pase a, 11 moun ki te nan yon ti chaloup pèdi lavi yo britalman nan zòn Williamson daprè medya an liy Radiographie. Se gwoup gang ki gen Pouchon nan tèt li a ki dèyè aksyon malonèt sa. Pami viktim yo, nou aprann gen yon ti moun 11 lane. Aksyon sa yo toujou antre nan kad konfli tè ki genyen nan zòn sa yo e kounye a bandi foure pye yo nan dosye a.
Daprè kèk sous lokal, gen pliske 50 moun ki deja pèdi lavi yo nan Akayè akoz aksyon nèg ak zam yo e gen anpil fanmi ki oblije abandone kay yo.
