Nan yon kontèks difisil kote ensekirite a pa sispann vale teren nan peyi Dayiti, ajan dwànye yo pa janm sispann dekouvri zam ak katouch ki vini nan machin oubyen lòt materyèl djaspora ap voye nan peyi a. Ajan dwànye nan komin Senmak dekouvri yon lo katouch ak anpil lòt materyèl, nan yon machin, ayè madi 26 janvye 2021 an nan dwàn nan.
Daprè enfòmasyon ki rive jwenn “Haïti News” machin sa se yon polisye ki te vin dedwane l pou yon lòt sitwayen. Anndan machin sa gen yon kat elektoral yon dam, jounal la pa deside revele idantite l.
N ap raple poko gen okenn arestasyon nan kad dosye sila. Popilasyon an ap tann deklarasyon responsad dwàn nan sou dosye sa.
Jeff Jean Joseph
