Nan yon dokiman 45 paj Federasyon Entènasyonal Foutbòl Asosyasyon (FIFA) pibliye mèkredi 13 janvye 2020 an, anketè yo sòti yon rapò tris sou Yves Jean-Bart, ki ta vyole pi piti 14 jèn fi, pami yo kèk ki ta gen 14 lanne, pandan 20 tan li pase nan tèt Federasyon Ayisyèn Foutbòl la.

Daprè dokiman sa ki gen 45 paj, FIFA rive idantifye 34 prezime viktim, ak 10 lòt agresè. Nan 34 prezime viktim sa yo, ansyen prezidan Federasyon an, Yves Jean-Bart vyole pi piti 14 ladan yo, pami yo kèk ki ta gen 14 lanne, nan 20 tan li pase ap dirije Foutbòl ayisyen an.

Toujou daprè rapò a, gen yon ti moun 14 lanne ki te ansent pou ansyen prezidan an, gen kèk ofisyèl ki ta pral fèl jete ti moun nan. “Konpòtman Dadou pa gen eskiz epi se yon wont pou tout ofisyèl Foutbòl la”.

Nan yon Vizyokonferans ki te fèt novanm pase a, sou sa FIFA repwoche Dadou yo: “ Mesye Jean-Bart paka vyole ou menm gen relasyon seksyèl a nenpòt moun nan, paskel pa gen bann”, daprè avoka li yo.

Jeff Jean Joseph