8 moun pran bal nan yon fiziyad nan komin Senmak nan lokalite Pòtay Gèp ayè samdi 23 janvye a nan aprè midi. Ensidan sila rive nan moman yon machin piblik fwote yon machin prive, propriyetè machin prive a ouvè katouch sou machin Piblik la. Chofè a ak 7 lòt pasaje sòti blese. Gen 5 pami moun sa yo ki nan yon sitiyasyon grav.
Chofè machin prive a gentan chape poul li aprè li fin fè dega sa, mete an danje lavi 8 sitwayen.
Yon ankèt gentan louvri pou konnen idantite moun ki fè zak malonèt sa, epi metel anba kòd pou swit nesesè nan dosye sila.
Jeff Jean Joseph
