Biwo Monetizasyon Pwogram Èd pou Devlopman (BMPAD) inogire yon plas tou nèf nan Sylvestre, dezyèm seksyon kominal Moben Kwochi, nan Nòdès peyi a, samdi ki te 16 janvye 2021 an.
Plas piblik sila, ki pran 3 mwa pou l fèt, etann li sou 775 mèt kare epi koute leta ayisyen plis pase 5.6 milyon goud. Li ekipe ak yon sistèm solè pou founi enèji, yon kyòs pou òganize divès aktivite ak plizyè espas detant, pou n site sa yo sèlman.
Direktè jeneral BMPAD la, Fils Aimé Ignace Saint-Fleur, ki se orijinè Moben Kwochi, aprè l remèt espas piblik modèn sila nan prezans plizyè otorite relijyèz, politik ak polisyè, afime volonte l yon lòt fwa ankò pou akonpanye gouvènman nan mete kanpe yon politik devlopman nan kwen ki pi lwen yo sou teritwa nasyonal la.
Pooshy Rosana
