Love-Edlie Ariel se non yon jèn demwazèl ki ta pral sibi zak kidnapinn ayè samdi nan Dèlma 95, nan moman li t ap sòti nan yon Estidyo bote.
Ariel ta pral jwenn liberasyon l byen ta nan menm sware samdi a. Bandi yo maltrete demwazèl la anpil, paske l pat an mezi bay kòb yo te mande a.
N ap raple ravisè yo te mande 300.000 dola ameriken pou libere Love-Edlie Ariel, nan moman yo te fin kidnape l.
Nan pil ka kidnapin ki anrejistre nan moman nwèl la, plizyè kidnape toujou nan men ravisè yo, tankou : Dr Elie Henry ak pitit fil, madam Wisline Montas ak Gregory Degraphe pou n site sa yo sèlman.
Kesyon anpil sitwayen ki vrèman enkyete pa rapò a jan sitiyasyon an ap degrade ap poze, se kilè rejim ki la ap frape pyel atè pou di non sa rive twò lwen?
Jeff Jean Joseph
