Depi kèk jou prezidan Repiblik la Jovenel Moïse pa sispann pran dekrè anndan peyi a. 2 dènye dekrè chèf leta a ta pral kreye anpil pale anpil nan sosyete sivil la. “Core Group”, sou bò pa l, sòti nan silans li pou denonse 2 dènye dekrè prezidan Jovenel Moïse pran, ki baze sou fonksyònman ak kreyasyon ajans nasyonal entèlijans (ANI) ak ranfòsman sekirite piblik.
Aprè nòt “Core Group” la, sekretè jeneral konsèy Minis yo, Renald Luberice, fache epi fè konnen pouvwa a prè pou l resevwa konsèy, men yo p ap pran leson nan men okenn moun.
“Nou wè twòp, nou pase twòp, de zanmi nou yo. Nou ka resevwa konsèy. Men nou p ap resvwa leson. Tout leson nou resevwa nan pase nou, yo gen move gou. Si w gen dout, gade rezilta kounya yo », se sa sekretè a ekri sou kont “Twitter » li.
Jovenel Moïse, kote pa l nan vizit li te gen nan kèk pwovens pandan wikenn nan, fè konnen li pa gen okenn rèv pou l enstale yon diktati anndan peyi a.
Depi kèk jou vyolon yo pa akòde ant pouvwa a ak zanmi oubyen ansyen zanmi ki sipòte yo anpil nan vyole lwa yo andann peyi a.
Jeff Jean Joseph
