Edison Maf se non youn nan chèf gang vilaj de dye ki jwenn arestasyon l nan peyi Sen Domeng, ayè samdi 28 novanm 2020 an.
Yon arestasyon ki vini aprè komisè gouvènman tribinal premye enstans pòtoprens lan, Mèt Ducarmel Gabriel te mete yon manda damne dèyè chèf gang sila. Sa lajistis repwoche Edison Maf se, asasina ak vòl kèk akizasyon pami sa ki kenbe kont li.
Daprè enfòmasyon yo, Edison Maf se ta 2e chèf gang vilaj de dye. Otorite dominikèn yo pral remèt Edison Maf, nan yon tan ki pa twò long bay lajistis ayisyèn pou l kapab reponn ak sa ki gen sou dol kòm akizasyon.
Jeff Jean Joseph
