Bandi kidnape epi sekestre Maritza Beaubrun, maten dimanch 29 novanm nan, nan Delmas 29, pandan li ta prale legliz. Daprè enfòmasyon ki rive jwenn Haïti News, kidnapè yo te abiye ak inifòm lapolis nan moman yo t’ap kidnape madanm nan.
Maritza Beaubrun se pitit Gérard Evans Beaubrun, ki se ansyen konseye politik, ansyen kandida pou pòs prezidan an, Eric Jean Baptiste epi madanm chèf inite sekirite jeneral palè nasyonal, Dimitri Hérard.
Daprè kèk pwòch fanmi an, ravisè yo mande 1 milyon dola ameriken pou libere Martiza Beaubrun.
Yon lòt ka kidnapin ki ogmante lis ka ki anrejistre anndan peyi a dènye jou sa yo. Komin Dèlma se youn nan komin plis ka kidnapin anrejistre depi lè ensekirite a ap taye banda anndan peyi a.
Jeff Jean Joseph
