Nan lannwit lendi pou louvri madi 24 novanm 2020 an, komisè gouvènman vil Gonayv la, Mèt Sérard Gasius ak lapolis mennen yon operasyon ki abouti ak arestasyon plizyè kidnapè ki t’ap simen latwoublay nan site a.
Operasyon sila mennen nan komin nan, aprè yon zak kidnapin ki te fin fèt sou Litana Saintilma.
Nan kad operasyon sila, Fedler Charles alyas maestro Japip, 25 lane, Dorsainvil Harold alyas Ti bout, 33 lane, François Jean Mary, 40 lane, Emmanuel Ofrancoeur, 40 lane, se diferan prezime ki pran kòd.
Alfred Alfredo vale dlo bouch li pandan li t ap fè rezistans ak lapolis. Aprè l fin tonbe, fòs lòd yo ta pral dekouvri yon zam lapolis nan men l ak plizyè biyè nan pòch li.
Jeff Jean Joseph
