Sant Karl Lévêque (SKL), yon òganizasyon k’ap defann dwa moun, revele nan yon rapò, sistèm jidisyè ayisyen an ap benyen nan koripsyon nan zile Lagonav (depatman Lwès).
Dapè SKL, fanmi Julien monopolize sistèm jidisyè a sou zile a. Lajistis se yon machandiz ki lote nan mache menm jan avèk tout lòt machandiz.
«Jij Nesguerre Julien ak John Wesley Julien (papa ak pitit) pran plezi yo, nan Ansagalè ak Pwentarakèt, 2 komin nan awodisman Lagonav, nan vann jistis avèk sitwayen ki genyen plis lajan», se sa nou li nan rapò a.
Konsekans? Sityasyon sa a ranfòse pi plis enpinite a nan Lagonav, daprè Sant lan ki raple Jij Nesguerre Julien ak John Wesley Julien, 2 machann jistis, te libere, aprè 8 jou prizon, sou baz afinite, yon prezime asasen ki te dekapite epi lenche yon moun.
Sant Karl Lévêque mande Direksyon enspeksyon jidisyè (DIJ) pou mennen ankèt sou sityasyon jidisyè a nan Lagonav nan lide pou frennen machann jistis yo sou zile a.
Wilner Jean
