Ansyen senatè depatman Latibonit la, Youri Latortue akize pouvwa an plas la ki kache dèyè asasina Diogène Elias Eric, alyas Ricot, chèf sekirite l.
«Se yon asasina ki sible. Se yon siyal rejim PHTK a voye ban mwen. Kèk minit aprè m kite biwo m, bandi yo krible Ricot avèk plizyè bal», se deklarasyon ansyen palmantè a.
Sektè demokratik e Popilè a, nan yon nòt, pa t pran tan pou kondane zak asasinay sa a epi lonje dwèt sou chèf leta a, Jovenel Moïse, ki deside asasinen tout opozan l yo.
N’ap raple Diogène Elias Eric, anpil moun plis nonnen sou non Ricot resevwa 15 bal nan men asasen yo, lendi swa, nan Dèlma 64.
Wilner Jean
