Nan yon operasyon komisè gouvènman Wanament lan, Mèt Elusma Florvil, ansanm ak lapolis, mennen yè madi 22 septanm 2026 la nan Vilaj Vètye Wanament, yon sitwayen ki idantifye sou non Réginald Israël mare kou krab. Réginald Israël arete paske l ap fè tèt li pase pou yon polisye, epi plede tire katouch nan zòn nan, ni pandan lajounen ni pandan lannwit.
Operasyon an antre nan kad aksyon otorite lokal yo ap mennen pou idantifye epi arete moun yo sispèk ki ka reprezante yon menas pou sekirite popilasyon an.
