6 koupab ki deja kondane nan kad dosye asasina Jovenel Moïse la, se yo menm ki pral gen pou peye 6,2 milyon dola kòm frè dedomajman ak Martine Moïse epi Joverlein Moïse. Jij Federal José Martinez mande pou yo bay Martine 5 milyon 305 mil 387 dola pou repare kòb li te depanse lopital, vwayaj ak sekirite li te angaje lè l antre Ayiti. Joverlein ki li menm Kanada ap resevwa 865 mil 386 dola ameriken daprè sa ki ekri nan òdonans restitisyon jij federal la.
Nan atik Miami Herald mete deyò sou dosye restitisyon sa a, yo pa mansyone poukisa jij la mande pou kondane yo bay Joverlein Moïse nan lajan an paske li pat nan kay la lè papa l te viktim nan.
