Daprè enfòmasyon responsab ki nan konsila Repiblik Dominikèn pataje ak laprès, yo fè konnen, pa gen mezi espesyal ki pran kont pasaje ki gen paspò ayisyen. Yo di gen kèk dispozisyon ki pran pou verifye ale retou kap fèt pou tout moun k ap frekante tèritwa yo a. Diplomat la deklare nan mikwo konfrè nou Luckson St Vil, depi yon moun gen yon paspò valid, yon estati legal nan peyi Etazini oubyen yon viza, ou ka rantre Sendomeng san danje.
Sèlman toujou gen pasaje ki di yo rankontre ak pwoblèm sa a. Menm moun k ap vwayaje nan Spirit Airlines jwenn ak difikilte sa yo tou menm jan pou lòt konpayi avyon yo.
