Premye Minis Garry Conille p ap fè yon gouvènman ak 18 Ministè daprè deklarasyon yon manm ekip li a sou radyo Kiskeya. Ministè kle tankou Finans, Jistis, Zafè Etranjè pou n site sa yo ase, se li menm k ap met moun ladan yo. Objektif premye minis la se retabli otorite Leta, bay sekirite, ouvri pò yo pou fè kòmès epi òganize eleksyon. Li pèsiste pou l di se pa pakèt Ministè k ap vin rezoud pwoblèm peyi a gen la a.
Li pale tou de endepandans nan Pò ayisyen yo, komin yo pral granmoun tèt yo. Ekonomis la ajoute pou l di Garry Conille pa gen yon bagèt majik nan men l, li p ap ka fè tout bagay sèlman l ap fè sa l gen pou l fè selon pwogram li.
