13 sispèk anba kòd pandan plis pase 140 zam sezi, se bilan yon arestayon ki fèt nan peyi Etazini ayè vandredi a. Moun sa yo ap jere zafè zam pou voye nan peyi Venezyela, Kolonbi ak Ayiti. Trafikan sa yo ta gen gwo rezo k ap founi zam ilegal nan divès rejyon anndan peyi a, selon sa yon medya
ameriken rapòte sou zafè sila a.
Daprè Pwokirè federal distri Sid Eta Florid la ki se Markenzy Lapointe, zam sa yo souvan al jwenn kriminèl ak manm gang ki trè vyolan e se Etazini yo souvan sòti.
