Akoz non l ki site nan eskandal lajan Petwo Karibe a, René Jean Jumeau ki te reprezante platfòm politik REN nan Konsèy Prezidansyèl la remèt demisyon l. Sou gwoup WhatsApp Konsèy Prezidansyèl la, li ekri rès ekip la pou l di yo li p ap ka rete aprè konsiltasyon ak ekip li a. Li eskize rès manm yo paske l te deja pwopoze tèt li kòm Sekretè benevòl anndan konsèy la. Konsèy Prezidansyèl sa a bay pwoblèm nan tout bout.
René Jean Jumeau ki te minis Delege nan zafè sekirite enèjetik sou gouvènman Martelly/Lamothe la gen non l site nan yon dosye pliske 13 milyon dola ki te disparèt lajan ki dwe achte pano solè.
