Sòlda Bout Ba yo pete bal sou Ti Sony youn nan bandi yo tou, aprè sa yo rache l. Dram sa a rive aprè Ti Sony sa a ta fè yon derespektan ak Bout Ba, daprè enfòmasyon k ap sikile. Se menm Ti Sony sa a ki te konplote ak Bout Ba pou touye Dieufort ki li menm te antann li ak Ti Lapli pou plase Bout Ba kòm chèf bò dlo Maryani. Kidonk Bout Ba poko mouri, se chen k ap manje chen nan zòn sa a.
N ap raple san fanmi sa yo achte Maryani lajan kontan depi mwa novanm 2023 kote y ap ratibwaze san okenn anpechman nan rantre Sid kapital la.
