Apenn li sot sove nan prizon, Ezequiel Alexandre reprann kontwòl katye Kafou Fèy e li kanpe kòm sèl sovè. Lè li tounen nan zòn nan, towo a mache ak yon foul moun ki te anvi retounen lakay yo akoz bandi
gran ravinn te fin mete yo deyò anba katouch. Se yon foul moun k ap bat bravo pou Ezequiel ki te mande tout moun retounen lakay yo.
Chèf gang sa a te arete nan mwa jen 2022 pou plizyè dosye tankou vòl, vyòl, posesyon zam ilegal, asasina elatriye. Se grav pou n rive nan yon moman kote popilasyon an ap bat bravo pou bandi.
