Inifòm menm koulè ak UTAG, gwo zam fann fwa, kagoul, logo ak machin gwo figi menm koulè ak inifòm yo, se konsa Izo 5 Segond prezante yon seri videyo ak tout foto sou rezo yo. Li rele ekip li a Inite Vilaj de Dye « UVD ». Se yon dosye pou popilasyon an pran o serye anpil paske yo ka panse se Lapolis k ap entèvni poutan se zèfèyis yo k ap opere. Izo kontinye montre se li menm k ap mennen nan vil la, nan boul figi Lapolis.
N ap raple nou chèf gang Vilaj de Dye a gen anpil ansyen prizonye ki te sove nan penitansye nasyonal ki avèk li e li gen kèk lòt gwo chat k ap sipòte teknikman.
