Daprè Lionel Valbrun ki te Sekretè Jeneral Palè a sou Jovenel, Martine Moïse te debake nan Palè a 5 jiyè 2021 e li te bote anpil bagay. Li ajoute depi lè a li te sispèk gen yon bagay ki pral pase. Daprè M. Valbrun, sa te pran 5 èdtan sòti 10è nan aswè jiska 3è nan maten. Devan jij la, mesye a fè konnen Martine te rele l 9 jiyè e li te di l “Jovenel pat fè anyen pou nou. Louvri biwo prezidan an bay Claude Joseph pou l fè yon konsèy minis, li pral fè eleksyon nan 3 mwa pou m ka prezidan, se kounye a nou pral gen pouvwa”.
Selon òdonans jij Voltaire a, te gen plizyè gwoup ki te vle ranplase Jovenel Moïse e youn ladan yo se Martine Moïse, Claude Joseph, Ardouin Zéphirin, Garry Bodeau pou n site sa yo ase.
