Nan peyi d Ayiti, gen antrepriz ki peye gang yo jiska 20 mil dola vèt chak semèn pou yo ka fasilite machandiz yo pase. Daprè _”Inisyativ kont Krim Òganize Transnayonal”_ ki chita kò l nan peyi Laswis, malfra yo gen pousantaj sou chak konntenè ki debake nan bato yo. Nan rapò sa a ki sòti 13 fevriye pase a, òganis lan fè remake pafwa antrepriz prive sa yo konn ede gang yo fè livrezon zam ak minisyon olye yo ba yo lajan.
Sou wout ki mennen nan kapital la an patikilye, rapò a fè konnen gang yo benefisye jiska 8 mil dola ameriken chak jou. Se medya entènasyonal Reuters ki pataje enfòmasyon sa yo.
