Lapolis Nasyonal d Ayiti anonse liberasyon, ayè samdi 6 janvye 2024 la, 2 viktim bandi te kidnape 2 janvye pase a. Se UTAG ki mennen operasyon sa a nan Taba 25 kote yo sezi yon zam e mete anba kòd yon sèten Rémy Mackenley. Youn nan viktim yo gen 57 lane daprè PNH la e yo di te gen yon zafè 600 000 dola vèt zèfèyis yo te mande pou libere moun sa yo.
Se nan yon machin moun yo te yè lè bandi yo ki t ap sikile sou motosiklèt te pase yo lòd pou yo kanpe machin nan. Yo fè yon ti gason ki te avèk yo desann epi ale ak 2 medam yo. Erezman nan moman operasyon an ap mennen an, yo pa gen anyen.
