Ayè madi a, gen yon delegasyon ki sòti nan peyi Kenya ak kèk manm nan adminitrasyon amerikèn nan ki antre nan peyi a. Moun sa yo rankontre ak Ariel Henry epi divès lòt gwo pwotanta nan gouvènman an nan kad yon reyinyon travay pou prepare, daprè sa n tande debakman Misyon Miltinasyonal pou Sekirite an Ayiti a.
Annatandan Lakou Siprèm peyi Kenya pwononse l sou plent Ekuru Aukot te depoze kont gouvènman kenyan an, preparasyon yo pa fèt pou deplwaman evantyèl fòs sa a. Pandan tan sa a, Primati anonse gen yon delegasyon ki gen pou kite Ayiti pou ale Nairobi, kapital peyi sa a.
