Plis pase 4 bandi resevwa bal Lapolis lendi 27 novanm 2023 sa a. Anpil nèg ki t ap fè resèt Maryani tonbe. “Pa pase Maryani si w pa bezwen jodi lendi 27 sa a. Deja genyen plizyè kadav atè k ap benyen nan san yo e gen divès lòt ki blese ki pran chimen Lopital”, se mesaj sa a yon temwen pataje ak laprès. Se bandi ki louvri kout zam sou yon bis ki fè viktim sa yo, daprè detay ki vin jwenn nou e se pandan bandi yo ap tire ak cha Lapolis dram sa a rive.
Zòn Maryani toujou kenbe estati zòn wouj la depi aprè atak bandi yo te fè 1e novanm nan. N ap raple pou yon machin travèse Maryani, montan lajan pou chofè a bay la li wo anpil e sa pral depann de ki tip machin li ye.
