Youn nan Inivèsite k ap rele anmwey nan peyi a la a se Kiskeya. Daprè responsab yo, sal ki te konn ant 80 a 100 etidyan desann nan yon trantèn anviwon. Sa ki lage yo nan gwo difikilte ekonomik, konsa yo anonse yo anvizaje fèmen pou yon ti bout tan. Gen anpil lòt sant inivèsitè tou ki anonse y ap fèmen paske pa gen ase pwofesè. Pi fò ladan yo kite peyi a paske yo paka rete sitou akoz ensekirite a.
Se yon gwo menas pou lavni peyi sa a kote pi fò sèvo yo degèpi. Kriz politik melanje ak ensekirite Leta kreye nan peyi a mete tout enstitisyon piblik kou prive ajenou.
