Aprè anviwon 6 jou ap diskite pou yo kapab jwenn yon solisyon ak kriz politik la, ni Eminant Pèsonalite CARICOM yo ni aktè politik yo pa rive antann yo sou yon desizyon fòmèl. Tou aktè yo kanpe sou brenzeng yo, yo di yo p ap fè yon pa kita yon pa nago sou pozisyon yo. Madan Manigat li menm rejwenn blan yo ki di se PM Ariel Henry ki pou òganize eleksyon.
Emisè CARICOM yo ale, men nou aprann y ap retounen nan mwa desanm nan pou kontinye diskite ak klas politik la nan peyi d Ayiti ki mete jiskaprezan, enterè pa yo avan pa popilasyon an k ap jemi nan lamizè.
