Aprè dènye sòti madan Manigat a gouvènman an òganize yon konsèy minis ki deside chwazi lis 20 pèsonalite pou voye nan HCT a ki yo menm pral gen pou chwazi 9 ladan yo pou fòme Konsèy Elektoral Pwovizwa a. Nan lis sa a gen: Jacques Desrosiers, Gédéon Jean, Jimmy Albert, Miralda Jumeau, Kettly Julien, Newton St Juste pou n site sa yo ase. Gen yon konsèy konsiltatif ki mete sou pye tou e ladan l gen yon reprezantan chak depatman nan peyi a.
Ariel Henry ap pwofite montre blan an li gen volonte pou l òganize eleksyon nan peyi a, sitou aprè deklarasyon María Isabel Salvador, chèf BINUH an nan peyi d Ayiti ki fè konnen se Ariel y ap kore.
