Nan yon nòt li rann piblik, konpayi telefòn Digicel fè konnen li pral reòganize plan ak sèvis li yo. Tout pri yo pral monte e l ap ogmante minit l ap bay kliyan yo. Konpayi a di li pran mezi sa yo paske goud la ap pèdi figi devan dola a, pa gen gaz epi ensekirite a anpeche li fè sa l ta dwe fè pou jere rezo a sou plan nasyonal. Yon anonse ki deja boulvèse anpil moun.
Digicel di l ap mete plan yo nan yon nivo selon bidjè itilizatè yo. Malgre li konnen bagay la difisil men li oblije pran mezi sa a pou ofri kliyan l yo yon pi bon sèvis, toujou selon nòt la.
