Aprè gwo atak bandi fè yè nan blòk Kanaran, Ti Tanyen ak Sous Matla, 4e seksyon komin Kabarè, zòn sa yo tèt anba jiskaprezan. Daprè yon rezidan nan zòn nan, gen kay ki gen moun mouri ladan yo yo paka sòti al pran kò yo. Gen moun ki blese ki pa ka ale lopital paske yo pa gen kote pou yo pase, akoz bandi ak zam asyeje tout kote, yo pa kite espas menm, toujou daprè peyizan sa a ki t ap entèvni sou yon radyo nan kapital la.
Nèg ak zam k ap fonksyone nan zòn sa yo mete popilasyon sivil la san souf. Lapolis pa disponib pou frennen bandi yo pandan popilasyon an pa konn ki sen pou l adrese.
