Bandi ki espesyalize nan fè kidnaping nan zòn Kanaran ak Bon Repo t ap antre ak 2 otaj nan baz yo lè y al kwaze ak yon bakòp Lapolis nan zòn Moléard yè dimanch 15 janvye a. Pou chape poul yo, yo tire sou fòs lòd yo ki yo menm riposte e desann yon bandi ki rele Djery. Polisye ki te nan bakòp la libere 2 otaj pami yo yon pwopriyetè otèl. Ajan yo pran machin nan ki se yon Toyota Land Cruiser ak 2 moto siklèt. Nan machin nan yo jwenn 2 plak AA65533.
Djery ki vale dlo bouch li a se yonn nan chèf gang Kanaran yo ki konn brake moun, detounen kamyon machandiz, touye ak kidnape moun. Polisye yo pran yon M4 ak 2 pistolè nan men asasen yo tou.
