Maçon Silencieux se non yon bandi ki t ap opere nan gang Ti Makak la Lapolis rive retire lavi l. Zak sa pase jounen madi 3 janvye a pandan Lapolis t ap tire ak mesye yo. Maçon Silencieux te konn fè kidnaping nan Laboul ak Tomasen. Gen 3 lòt bandi ki tonbe nan menm atak sa a daprè Lapolis. Polisye yo sezi yon zam fann fwa, 4 veyikil pami yo yon motosiklèt. Gen 3 polisye ki sòti blese men kad yo pa twò grav.
Nan operasyon sa a, se yon kidnaping fòs lòd yo t al dejwe ki pote rezilta sa a. PNH la pwomèt l ap entansifye mòd operasyon sa yo pou rive mete bout nan aksyon bandi yo.
