Uzra Zeya se Sou-Sekretè nan zafè demokrasi ak dwa moun nan peyi Etazini. Nan yon rankont li te genyen jedi 27 oktòb la ak prezidan Luis Abinader, li mande l pou l pran bon jan sanksyon kont trafikan k ap fè trafik moun epi pwoteje sila yo ki vilnerab sou teritwa dominiken an. Yo dwe pwoteje tou dominiken ki gen asandans ayisyèn toujou daprè madam Zeya.
Madam Zeya nan tèt yon misyon nan peyi Sendomeng sòti 26 pou rive 28 oktòb 2022 a e se toujou nan kad pwomosyon pou dwa moun ak lit kont kòripsyon. Madam Zeya menm mande gouvènman dominiken an pou l adopte yon lwa k ap pran bon jan mezi kont moun k ap fè trafik moun yo selon nòm entènasyonal yo.
