Depi vandredi 14 oktòb 2022, Bank Mondyal pran mezi pou fèmen biwo li Ayiti pou yon dire 30 jou. Chèf operasyon yo an Ayiti ki se Laurent Msellati kontinye ap travay a distans li menm. Tout rès pèsonèl yo evakye akoz kriz imanitè a ak pwoblèm ensekirite k ap gangrennen peyi Dayiti dènye jou sa yo.
Prèske tout gran enstitisyon nasyonal ak entènasyonal ki kanpe travay nan peyi a se pou koz ensekirite. Anpil djòb pèdi pandan anpil moun kontinye nan penpennen pou jwen moso pen kotidyen, malgre sa vin ra. Antouka, biwo Bank Mondyal Ayiti vin agrandi lis enstitisyon ki fèmen pòt yo nan peyi a.
