PDG SAM anbilans ki se Ralph Senécal ak tout chofè li ki se André Bazin viktim de zak kidnaping jounen samdi 8 oktòb 2022 a nan komin Gantye . Se yon pitit gason direktè a ki konfime nouvèl la e fè konnen se ta bandi 400 mawozo ki kidnape papa l. Li mande bandi yo pou libere papa l alòske bandi yo ta reklame 500 000 dola pou liberasyon mesye yo.
Èske se paske bandi yo tande sòlda etranje pral debake nan peyi a ki fè y ap aji konsa? Bandi yo pa chome. Nan rantre Sid kapital la ak nan zòn Nò a, se gwo dega k ap fèt nan dènye jou sa yo.
